ಎರ್ಮೆ

ತುಳು

ಎರ್ಮೆ [ನಾಮ ಪದ]

ಸಮಾನಾರ್ಥ ಪದೊಲು

• ಎರ್ಮೆ,ಎಮ್ಮೆ, ಎರ್ಮೆಚ್ಚಿ

ಅರ್ಥೊ

• (ಅ) ಎರ್ಮೆ:ಒಂಜಿ ಬಗೆತ ಪೇರ್'ಗಾದ್ ಸಾಂಕುನ ಜಾನುವಾರು ತಳಿತ ಸ್ತ್ರಿರೂಪ;
• (ಆ) ತೋರದ, ಮಲ್ಲ ತೂಕದ ಪೊಂಜೋವು (ಹಾಸ್ಯಪದ);
• (ಇ) ಮಲ್ಲ ತೋರದ ಪ್ರಾಣಿ, ವಸ್ತು, ಇತ್ಯಾದಿ (ಉಪಮಾನ/ಹಾಸ್ಯಪದ)

ಬಳಕೆ

(ಅ) ಪಾತೆರ-ಗಾದೆ-ಎದುರುಕತೆ

• " ಅಳೆಕ್ಕ್ ಬತ್ತನಾಯಗ್ ಎರ್ಮೆತ ಕ್ರಯೊ ದಾಯೆ?" (ಗಾದೆ/ಪಾತೆರ)
• " ನೆಯಿಕ್ಕ್ ಬತ್ತಿನಾಯೆ ಎರ್ಮೆತ ಕಣ್ಣ್ ಮಲ್ಲೆ ಪಂಡೆಗೆ" (ಗಾದೆ/ಪಾತೆರ)
• " ಪೇರ್'ಗ್ ಪೆತ್ತ , ಕೊಜಪುಗು ಎರ್ಮೆ" (ಗಾದೆ/ಪಾತೆರ)
• " ಕೂಳಿ ಇಜ್ಜಾಂದಿ ಎರ್ಮೆ, ಪಂತಿ ಇಜ್ಜಾಂದಿ ಪಡ್ಪುಡು ಮೇಪುಂಡು" (ಎದುರುಕತೆ/ಒಗಟು). [ಉತ್ತರ: ಮೋಡ]

(ಆ) ನುಡಿಗಟ್ಟ್‌ಲು

• "ಎರ್ಮೆದ ಪೇರ್ ಪರ್ತಿನಾಯೆ"
• " ಅರಲೆರ್ಮೆ"; "ಪಡೆಂಗಿ ಎರ್ಮೆ"; "ಬಚ್ಚೆಲೆರ್ಮೆ"; "ಬರಡ್ ಎರ್ಮೆ"; "ಸರೋಳಿ ಎರ್ಮೆ"

ಅನುವಾದೊ

• ಕನ್ನಡ; (ಅ)ಎಮ್ಮೆ, (ಆ) ದಪ್ಪನೆ,ತೋರದ ಹೆಂಗಸು (ಹಾಸ್ಯಪದ) (ಇ) ಸ್ಥೂಲಕಾಯದ ಪ್ರಾಣಿ ಇತ್ಯಾದಿ (ಉಪಮಾನ/ಹಾಸ್ಯಪದ).
• English: (a) She-buffalo; (b)Fat large woman (parody) (c) Any large fat animal.

ಉಲ್ಲೇಕೊ

• ತುಳು ನಿಘಂಟು (೧೯೯೨) ಪ್ರಧಾನ ಸಂಪಾದಕೆರ್: ಡಾ.ಯು.ಪಿ ಉಪಾದ್ಯಾಯ, ರಾಷ್ಟ್ರಕವಿ ಗೋವಿಂದ ಪೈ ಸಂಶೋಧನ ಕೇಂದ್ರ, ಉಡುಪಿ-576102, ಸಂಪುಟ 2, ಪುಟ.402